Последната верзија на календарот за наредната сезона во шампионатот на Формула 1 носи големи промени, а првенството ќе стартува на 20-ти март во Австралија, а не како што првично беше планирано на 3-ти април.
Тимовите, поради густиот распоред бидејќи наредната сезона во календарот има 21 трка, имаа забелешки на терминот за првата трка, по што ФИА реагираше и реши првенствто во 2016-та година да започне на „Алберт парк“ во Мелбурн на 20-ти март.
Исто така, ФИА реши да промени бројни термини во кои години наназад се возеа трките на одредени патеки. ГН на Унгарија нема да се вози во август, туку во јули, а во овој месец ќе се возат уште три трки во Австрија, Велика Британија и Германија.
Во сезоната 2016 година во календарот ќе дебитира ГН на Азербејџан, која на програмата е на 19-ти јуни, една недела по трката во Монтреал за ГН на Канада.
Сезоната ќе заврши на 27-ми ноември во Абу Даби.
Распоред на трките во 2016 година:
20-ти март: Австралија (Алберт парк)
3-ти април: Бахреин (Сакир)
17-ти април: Кина (Шангај)
1-ви мај: Русија (Сочи)
15-ти мај: Шпанија (Каталуња)
29-ти мај: Монако (Монте Карло)
12-ти јуни: Канада (Монтереал)
19-ти јуни: Азербејџан (Баку)
3-ти јули: Австрија (Ред Бул ринг)
10-ти јули: Велика Британија (Силверстон)
24-ти јули: Унгарија (Хунгароринг)
31-ви јули: Германија (Хокенхајм)
28-ми август: Белгија (Спа Франкоршамп)
4-ти септември: Италија (Монца)
18-ти септември: Сингапур (Марина беј)
2-ри октомври: Малезија (Сепанг)
9-ти октомври: Јапонија (Сузука)
23-ти октомври: САД (Остин)
6-ти ноември: Мемксико (Мексико Сити)
13-ти ноември: Бразил (Интерлагос)
27-ми ноември: Абу Даби (Јас марина).