Американската тенисерка Венус Вилијамс ја забележа 700-та победа во кариерата, откако во второто коло на турнирот во Вухан, Кина, славеше на Јулија Гергес од Германија.
Вилијамс победи со 2:0 (6:4, 6:3) и во наредната рунда за противничка ќе ја има Шпанката Карла Суарез Наваро.
Постарата од сестрите Вилијамс стана деветта тенисерка во историјата која во кариерата стигнала до 700 победи, пред неа тоа го направиле Мартина Навратилова, Крис Еверт, Штефи Граф, Вирџинија Вејд, Аранча Санчез-Викарио, Линдзи Девенпорт, Кончита Мартинез и Серена Вилијамс.
„Добро е што ова не го знев пред почетокот на мечот, да го знаев ќе бев нервозна. Беше ова добар меч против квалитетна противничка“, рекла Вилијамс.
Американката во кариерата има освоено 46 титули, од кои седум на грен слем турнирите, но последната на најголемите турнири ја освоила во 2008-ма година во Вимблдон.
