Роналдињо Гаучо еден од најдобрите светски фудбалери во изминатите две децении по само три месеци реши да го напушти фудбалскиот клуб Флуминенсе. Иако во Флуминенсе пристигна како големо засилување, Роналдињо по само девет одиграни натпревари спогодбено го раскинал договорот со клубот.
„Сакаме да соопштиме дека го раскинавме договорот со Роналдињо. Договорот е спогодбено раскинат, но мораме да нагласиме дека фудбалерот од првиот ден према сите во клубот покажа максимален професионализам и почитување. Исто така Роналдињо се однесуваше и на тренинзите“, стои во клупското соопштение.
Некогаш најдобриот фудбалер во светот по заминувањето од Барселона во 2005 година настапуваше во Милан, Фламенго, Атлетико Минеиро и Квертаро. Роналдињо кариерата ја започна во Гремио, а европската авантура ја започна во ПСЖ.
„Исто така Флуминенсе и Роналдињо не ја прекинуваат соработката засекогаш, бидејќи во блиска иднина се планираат заеднички проекти. Дињо многу допринесе на економски план, околу маркетингот, продажбата на сезонски билети и дресови со неговото име. Сигурни сме дека неговиот потег ќе привлече многу играчи од светска класа во нашиот клуб“.
Роналдињо (35) со Барселона ги осови сите трофеи во клупскиот фудбал, а со репрезентацијата на Бразил во 2002 година стана светски првак.
