Фудбалските фанови ги поддржуваат своите тимови во земјата и во странство, без оглед на цената. Некои од нив сепак се фаворизираат во поголема мера од другите.
Ново истражување покажува кои земји ја нудат најдобрата „вредност“ на љубителите на фудбалот.
Германија ја дава најдобрата вредност на навивачите со просечна цена на билетите од 35.35 долари и второто најдобро првенство во светот, според податоците на сајтот „GoEuro“. На второ место е Шпанија со просечна цена на билетите од 78 долари и најдобро првенство во светот. Зад неа се Португалија, Англија и Аргентина.
Другите земји кои го пополнуваат Топ 9 на земјите ги вклучуваат Франција, Белгија, Италија и Турција.
Бразил, кој е со исклучително силна позиција во светот на фудбалот, е едвај на десеттото место, додека Холандија е на петнаесетата позиција. Јапонија и САД се на дното на листата во однос на вредноста за фудбалските фанови, но тоа во голема мера е така поради слабата популарност на спортот во овие земји. Иако просечната цена на билетите за натпревар во Јапонија е 32.50 долари, првенството во земјата е на последното 24-то место по сила меѓу засегнатите страни.
Најскапите билети ги плаќаат навивачите во Велика Британија – 82.60 долари за натпревар, следени од оние во Шпанија – 78.09 долари, и Италија со 76.98 долари. На најниски цени на билетите се радуваат фановите на Мексико и Јужна Африка – односно 11.72 и 9.59 долари.
Најмногу треба да плаќаат навивачите кои го следат тимовите во странство, а тие играат во Велика Британија – во просек 332 долари. Најевтино излегува посетата на натпревар на својот омилен тим, кога игра во Чиле – во просек 91 долар.
