Министерството за правда на Швајцарија позитивно одговори на барањето на американските власти за екстрадикција на членот на ФИФА од Венецуела, Рафаел Ескивел, кој беше уапсен во мај годинава под обвинение за корупција.
Ескивел има рок од 30 дена да ја обжали оваа одлука на швајцарското министерство за правда.
„Ескивел е обвинет дека примил поткуп од неколку милиони долари за продажба на маркетинг правата за Копа Америка 2007, 2015, 2016, 2019, 2023“, се вели во соопштението на швајцарското министерство за правда.
Поранешниот претседател на Фудбалската федерација на Венецуела е еден од седуммината високи функционери на ФИФА кој по барање на американскиот ФБИ беа уапсени на 27-ми мај во Цирих.
Доколку биде осуден за примање на поткуп и рекетирање на Ескивел му се заканува 20-годишна затворска казна.