Фудбалерите на Борусија Дортмунд во шестото коло ги загубија првите два бода во Бундеслигата, Хофенхајм го освои првиот бод, а првите победи ги запишаа Менхенгладбах и Штутгарт.
Хофенхајм успеа да стави крај на серијата од пет победи во која се наоѓаше екипата од Дортмунд. По шестото коло само минхенски Баерн има максимален учинок. Домаќинот стигна до предност преку Руди во 42.минута, а израмни Обамејанг во 55.минута.
Менхенгладбах до првата победа и првите бодови во сезоната стигна со победата над Аугзбург од 4:2. Сите голови домашните играчи ги постигнаа во првото полувреме (Џонсон, Џака, Стиндкл, Дахуд), додека стрелец на головите за Аугзбург беше Вехаег.
Штутгарт првата победа во сезоната ја забележа во Хановер. „Швабите“ славеа со 3:1, Гентер, Вернер и Максим ги постигнаа головите, откако Хановер поведе со голот на Караман.
Голот на Чичарито Ернадез беше доволен за минимална победа на Баер Леверкузен над Мајнц, а Шалке со головите на Матип и Сане го совлада Ајнтрахт со 2:0.