Екипата на Шкендија е нов лидер во фудбалскиот шампионат на Македонија, откако во дербито на седмото коло славеше над Работнички, а Вардар како гостин одигра без голови со Ренова.
Работнички на стадионот во Ѓорче Петров загуби од Шкендија со 2:4. Творец на победата на Шкендија беше репрезентативецот Хасани кој постигна три гола во 18, 60, и 62.минута.
Ренова успеа да остане непоразена во дуелот со актуелниот шампион Вардар, Силекс минимално со голот на Недељковиќ славеше над Шкупи ја задржа третата позиција на табелата.
Хоризонт Турново одигра 1:1 против Металург, а Брегалница, во саботата, загуби од Младост 2:3.
Табела: 1. Шкендија 18, 2. Вардар 17, 3 Силекс 13, 4. Младост ЦД 12 (-1) 5. Шкупи 8, 6. Работнички 7 (-1), 7. Брегалница 6, 8. Х. Турново 6, 9. Ренова 5, 10. Металург 2.
