Натпреварот во Б групата помеѓу Кристијанштад и Колдинг Копенхаген кој ќе се одигра денеска со почеток во 19 часот ќе го означи стартот на новата сезона во ракометната Лига на шампиони.
Од оваа сезона Лигата на шампионите има нов формат, односно тимовите се поделени во две квалитативни групи. Во групите А и Б се поквалитетните тимови, меѓу кои е и македонскиот првак Вардар и од овој сегмент повеќе тимови ќе изборат пласман во осминафиналето.
Во групите Ц и Д се сместени екипите со послаб рејтинг, во една од нив партиципира Металург и од овие групи само првите два тима ќе одат меѓу 16-те најдобри.
Македонските претставници своите мечеви од првото коло ќе ги одиграат викендов, Вардар в недела ќе гостува во Монпелје, а Металург в сабота ќе игра против украински Мотор Запорожје, исто така на гостински терен.
ЛШ, 1.коло:
Група А:
Загреб-Кил
Висла-Веспрем
Фленсбург-Пари Сен Жермен
Бешикташ-Цеље
Група Б:
Монпелје-Вардар
ПИК Сегед-Киелце
Рајн Некар-Барселона
Група Ц:
Чеховски медведи-Ла Риоха
Мешков Брест-Војводина
Порот-Татран Прешов
Група Д:
Шафхаузен-Елверум
Мотор Запорожје-Металург
Скјерн-Баја Маре.
