Сестрите Вилијамс во меѓусебен дуел ќе решаваат која од нив ќе игра во полуфиналето на УС Опен, откако забележаа убедливи победи во четвртфиналето.
Бранителката на титулата Серена го одигра својот најдобар меч во досегашниот дел од турнирот и во два сета (6:3, 6:3) славеше против сонародничката Медисон Киз. Венус беше убедлива против 18-годишната Анет Контавејт со 6:2, 6:1 и се избори за своето прво четвртфинале на УС Опен уште од 2010 година.
Сестрите Вилијамс во четвртфиналето на УС Опен ќе го имаат својот 27-ми меѓусебен дуел, во победи со 15-11 води помладата Серена.
Пласман во четвртфиналето без борба избори Италијанката Роберта Винчи, откако Јуџини Бушар го предаде мечот. Имено, во соблекувалната Бушар паднала и ја повредила главата поради што морала да го предаде мечот.
Винчи во четвртфиналето ќе игра против Кристина Младеновиќ која со 7:6, 4:6, 6:1 ја совлада Русинката Екатерина Макарова.