Седум натпревари во Групите Д, Ф и И се одиграа во петокот, во рамките на седмото квалификациско коло за пласман на Европското првенство во фудбал, кое наредната година ќе се одржи во Франција.
Светскиот првак Германија се врати на првото место на табелата во Д групата, откако славеше над Полска со 3:1. Германците во целост им се реваншираа на Полјаците за поразот во првото коло.
Милер и Геце во првите 19 минути и донесоа убедлива предност на Германија, која до крајот на полувремето ја намали Левандовски. Конечниот резултат во финишот на мечот, со својот втор гол, го постави Геце.
Шкотска доживеа неочекуван пораз во Грузија од 1:0, додека Република Ирска очекувано победи кај аутсајдерот Гибралтар.
Таблела, Група Д:
1. Германија 16
2. Полска 14
3. Р.Ирска 12
4. Шкотска 11
5. Грузија 6
6. Гибралтар 0
Смена на врвот на табелата има и во Групата Ф, лидер сега е Северна Ирска, откако Унгарија и Романија одиграа 0:0. Северна Ирска славеше кај Фраските острови со 3:1, но до победата стигна во последните 15 минути откако Фараните останаа со играч помалку. Грција доживеа уште едно разочарување во квалификациите откако во Атина загуби од Финска со 0:1.
Табела, Група Ф:
1. Северна Ирска 16
2. Романија 15
3. Унгарија 12
4. Финска 7
5. Фарски острови 6
6. Грција 2
Во Групата И голема борба за првото место се боди помеѓу Португалија, Данска и Албанија. Португалците и Албанците се во подобра позиција од Данците бидејќи имаат одиграно по еден натпревар помалку. За три дена во Елбасан ќе играат Албанија и Португалија.
Инаку, во Копенхаген, Албанија успеа да ги одбие сите напади на Данска, особено во вториот дел и да извлече бод (0:0).
Србија пак излезе од минус бодовното салдо и се тргна од дното на табелата откако над Ерменија ја запиша првата квалификациска победа. Во Нови Сад без присуство на публика Србите славеа со 2:0.
Табела, Група И:
1: Португалија 12
2. Данска 11
3. Албанија 11
4. Србија 1
5. Ерменија 1.
