Експедицијата на Карате клубот Макпетрол замина за Истанбул, каде ќе земе учество на најпрестижното натпреварување во карате спортот „Светската 1 Премиер карате лига“.
За Истанбул заминаа сениорските репрезентативки: Симона Заборска -55 кг, Моника Стефановска -68 кг, Ана Марија Несторовска -61 кг, Симон Антиќ -84 кг, Жарко Арсовски -84 кг, Томе Тодоровски -67 кг и Игор Таневски -67 кг.
„На овој турнир ќе настапиме без никакво психолошко оптоварување. Турнирот е прв настан по преодниот период, и ова е прва фаза од натпреварувачката периодизација со која ние треба да стартуваме за сениорските состави“, рече тренерот Бошко Заборски.
На турнирот во Истанбул досега има пријавено 533 спортисти од 47 држави.
