Клубовите од шпанската „Примера дивизион“ потрошиле најмногу пари за трансфери во споредба со досегашните летни преодни рокови, покажува статистиката на весникот „АЅ“.
Инвестирани се вкупно 558,3 милиони евра, а претходниот рекорд на лигата беше од 2007-ма година: 541 милиони евра.
Интересно е дека ова лето клубовите Реал Мадрид и Барселона, кои по традиција значително трошат на нови засилувања, се поместени од челните позиции. Лидер според платените трансфер суми е Валенсија – 137 милиони евра. Цели 90 милиони од нив се поради задолжителната клаузула за одрекување на фудбалерите Родриго Морено, Алваро Негредо, Андре Гомеш, Жоао Кансело и Иорел Родригез.
Атлетико Мадрид е на втората позиција со 126 милиони. „Јорганџиите“ сепак имаат направено и солидна продажба, а нејзината вкупна вредност изнесува 120,5 милиони евра.
Реал Мадрид го зазема третото место со 88,9 милиони, во кои не се вклучува пропаднатиот трансфер на Давид де Геа. Поради казната од „Камп Ноу“ привлекоа само двајца нови играчи: Арда Туран и Алеиш Видал.
Гетафе и Спортинг Хихон не потрошиле ниту евро на трансферниот пазар.
Збирот од продадени фудбалери од клубовите во Примера е 401,2 милиони евра, што прави дефицит од 157,1 милиони евра.
