Германскиот репрезентативец Јулијан Дракслер во последните минути од преодниот рок од Шалке се пресели во екипата на Волфсбург.
Екипата од „Фолксваген арена“ за Дрекслер на Шалке му плати 26 милиони евра, плус шест милиони, кои на тимот од Гелзенкирхен ќе ги добие низ разни бонуси.
Генералниот директор на Шалке, Хорст Хелт, кој го потврди трансферот, изјави дека тоа најголемата понуда за некој играч на Шалке откако тој се наоѓа на функцијата.
Јулијан Дракслер е еден од најперспективните германски играчи, тој беше член на германската селекција која во 2014 година ја освои титулата светски првак.
Дракслер во Волфсбург е донесен како замена за Кевин де Брујне кој за 45 милиони фунти замина во Манчестер Сити.
