Шпанскиот весник El Pais пишува дека УЕФА покренала истрага во врска со возвратниот меч во плејофот за пласман во Лигата на шампионите помеѓу Динамо Загреб и Скендербег.
Според истиот извор, Federbet (сојуз на највлијателните европски обложувалници) регистрирал невообичаено многу уплати дека албанскиот шампион ќе прими уште еден гол, и тоа веднаш по погодокот на Таравел со кој Динамо стигна до предност од 3:1.
Коефициентот дека Скендербег ќе прими гол две минути пред Судани да погоди за 4:1 изнесувал само 1,2, додека според Federbet тој требало да изнесува не помалку од 2,5.
Голот на Судани на обложувачите ширум Европа им донел заработка помеѓу пет и десет милиони евра.
Federbet работи за шпанската лига и УЕФА ја предупредува околу невообичаени промени на коефициенти на одредени натпревари. Поради работата на Federbet оваа пролет десетина лица беа уапсени поради местење на натпревари во италијанската Серија Б.