Англискиот шампион Челзи соопшти дека потпишал повеќегодишен договор со младинскиот репрезентативец на Бразил, Кенеди. Кенеди има 19 години, игра во нападот, а во Лондон доаѓа од Флуминенсе.
Челзи не објави колку пари клубот издвоил за трансферот на Кенеди, но англиските медиуми шпекулираат дека се работи за сума од 6,3 милиони фунти.
„Возбуден сум што добив ваква шанса. Среќен сум што ќе играм за Челзи и се надевам дека ќе станам важен играч за тимот“, рекол Кенеди.
Бразилецот го носеше дресот на Челзи во претсезонските натпревари во САД и успеал да ги задоволи критериумите на менаџерот Мурињо.
Кенеди ќе биде петтиот Бразилец во Челзи покрај Рамиреш, Оскар, Вилијан и Нејтан.
