Кошаркарот на Барселона Алекс Абринес нема да настапи на Европското првенство поради повреда на стапалото, соопшти Кошаркарската федерација на Шпанија.
Абринес минатата сезона, во Евролигата, во просек по натпревар имаше учинок од 7,6 поени, 1,3 асистенции и 1,5 скока.
Откажувањето на Абринес му создава дополнителни проблеми на селекторот Серџо Скариоло кој претходно од разни причини остана без Марк Гасол, Хуан Карлос Наваро, Рики Рубио и Хозе Калдерон.
Шпанија на Евробаскетот, кој започнува на 5.септември, ќе се натпреварува во Б групата во Берлина заедно со селекциите на Србија, Италија, Германија, Турција и Исланд.
Инаку во подготвителниот период следен противник на Шпанија ќе и биде македонската селекција, двете репрезентации во периодот од 22-ри до 25-ти август ќе одиграат два натпревари.
