Фудбалерите кои настапуваат во елитната шпанска лига оваа година ќе останат без традиционалниот новогодишен одмор. Имено, раководството на La Liga одлучило да ги прифати сугестиите на селекторот Дел Боске и направи измени во натпреварувачкиот календар.
Според новиот календар сезоната 2015/2016 ќе заврши на 15-ти мај, а не како што првично беше планирано на 22-ри мај. Дел Боске сугерираше дека нема да има доволно време за подготовки на репрезентацијата бидејќи Европското првенство ќе започне на 10-ти јуни.
Новиот календар носи натпревари и на 31-ви декември, поточно 17-то коло во La Liga ќе се игра на 30-ти и 31-ви декември што претходно никогаш не се случило.
Натпреварувачкиот календар е сменет минатата недела, а една од причините за промената е и настапот на Барселона на Светското првенство за клубови кое традиционално се игра во декември.
Исто така, La Liga го промени и терминот за одигрувањето на финалниот меч во Купот на Кралот, овој натпревар ќе се игра на 21-ви мај, а не на 28-ми мај како што првично беше планирано.
