Дефанзивецот Абдул Рахман Баба ги мина лекарските прегледи во Челзи. Репрезентативецот на Гана ќе потпише 5-годишен договор со англискиот клуб.
Во последната сезона 21-годишниот фудбалер настапуваше во дресот на германски Аугсбург. Поранешниот клуб ќе добие 25 милиони евра за трансферот, а со бонусите износот може да достигне 30 милиони евра.
Аугсбург го привлече Баба пред една година од Гројтер Фирт за само 2,5 милиони евра. Дефанзивецот настапи на 27 натпревари за Аугсбург во минатата сезона, а за националниот тим има 11 средби.
Холандскиот дефанзивец Натан Оке пак го продолжи договорот со „сините“ од Лондон. Новиот договор со 20-годишниот дефанзивец е до 2020-та. Во оваа сезона тој ќе биде позајмен во Ватфорд.
