Езекиел Лавеци може да ја продолжи својата кариера во Валенсија.
„Лилјаците“ внимателно ја следат ситуацијата околу играчот, чија иднина во ПСЖ стана неизвесна по привлекувањето на сонародникот Анхел Ди Марија.
Евентуалното привлекување на Лавеци во Валенсија зависи од тоа дали тимот ќе успее да го мине плејофот за влез во групната фаза на Лигата на шампионите.
За место во групите во ова елитно натпреварување, Валенсија ќе ги одмери силите со тимот на Монако.
Доколку шпанскиот тим успее да го елиминира Монако, од Валенсија со сигурност ќе се обидат да го доведат Лавеци.
Интерес кон Аргентинецот пројавуваат и од Манчестер Јунајтед. За клубот од Премиер лигата сепак приоритет е привлекувањето на Педро Родригез од Барселона. Ако овој трансфер не се случи, и од Манчестер Јунајтед ќе се насочат кон Лавеци.
