Хрватскиот тенисер Иво Карловиќ приреди големо изненадување со триумфот над Канаѓанецот, Милош Раониќ во второто коло од Роџерс купот во Монтреал.
Карловиќ славеше со 7:6 (7:1), 7:6 (7:1), а на патот до големата победа ја мина бројката од 10.000 ас удари во својата кариера.
На тој начин, Карловиќ му се придружи на сонародникот Горан Иванишевиќ, кој е единствениот кој досега имаше забележано над 10.000 асови за време на кариерата.
Јубилејниот ас Карловиќ го отсервира во вториот сервис при резулат 3:3,а до крајот на мечот направи уште четири ас удари. Од почетокот на годината Карловиќ има забележано 1.009 асови.
„Секако дека целта ми е да го стигнам Горан. Се надевам дека во тоа ќе успеам до крајот на годината, ако не во следната. Важно ми е само да останам здрав“, рече Карловиќ.
Иванишевиќ во текот на кариерата забележа 10.183 ас удари на 895 напревари, додека Карловиќ до бројката од 10.000 стигна во својот 527-ми меч,. Во наредното коло го чека победникот од средбата помеѓу Ришар Гаске и Леонард Маер.
