Аргентискиот фудбалски тим Ривер Плејт по трет пат го освои Копа Либертадорес откако во финалето во реваншот пред домашните навивачи славеше со 3:0 против мексикански Тигрес УАНЛ.
Погодоците за победата на Ривер Плејт, кој четири години по испраќањето во втората аргентинска лига го освои Копа Либертадорес и Копа Судамерикана (2014), ги постигнаа Лукас Аларио (44), Карлос Санчез (74-11м) и Рамиро Фунес Мори (78).
Копа Либертадорес е јужноамерикански пандан на европската Лига на шампиони.
Првиот натпревар кој се одигра во Монтереј заврши со нерешен резултат 0:0.
Ривер Плејт, кој славеше пред 62.000 гледачи на стадионот Монументал, претходно го освојуваше Копа Либертадорес во 1986-та и 1996-та година.
Победата на Ривер Плејт ја зајакна доминацијата на аргентинските клубови во ова натреварување, кои досега имаат 24 титули, следат Бразилците со 17 и Уругвај со осум.