Уште еден историски успех за новата Škoda Fabia R5. Есапека Лапи од Финска победи на домашен терен и сега е во водство во генералниот пласман на FIA светскиот рели шампионат WRC 2.
По блескавото возење на т.н. „Формула Еден во шума”, „Летечкиот Финец” и неговиот совозач Јане Ферм, исто така од Финска, триумфираа пред другиот ŠKODA тим.
Ова е втора по ред еден – два победа за ŠKODA по само четири недели од историската прва победа на WRC релито во Полска.
„Голем ден за ŠKODA! Ова е уште една потврда дека напорната тимска работа се исплати. Нашата нова Fabia R5 повторно го потврди својот извонреден квалитет на целото рели од 320 километри“, изјави директорот на Škoda Motorsport Михал Храбнек.
