Македонската Влада донесе одлука за прекинување на препораките, кои се однесуваат на ослободување од работни обврски, како и укинување на рестрикцијата на работно време за вршење градежни работи на отворено.
Одлуката е донесена согласно најавата од Метео алармот на Управата за хидрометеоролошки работи дека во следните три дена ќе има намалување на температурите во цела држава.
Надлежните служби ќе продолжат континуирано да ја следат состојбата и да преземаат мерки согласно временските услови, се вели во соопштението на Министерството за здравство.