Дидие Дрогба кариерата ќе ја продолжи во северноамериканската професионална фудбалска лига (МЛС). Легендарниот напаѓач на Челзи потпиша договор со екипата од Канада, Монтреал Импакт.
Дрогба е уште едно големо име на светскиот фудбал кој на залезот на кариерата се сели во МЛС лигата, претходно во оваа лига пристигнаа Френк Лампард, Стивен Џерард и Андреа Пирло.
Дрогба во клупската кариера има постигнато 263 голови, од кои 164 во дресот на Челзи, исто така е најдобриот стрелец во историјата на репрезентацијата на Брегот на Слоновата коска со 65 голови.
Покрај за Челзи, Дрогба играл и за Галатасарај, Шангај, Олимпик Марсеј, Генган и Ле Ман каде ја започнал кариерата.
Монтреал е член на МЛС лигата од 2010 година, а минатата сезона го имаше најлошиот резултат во лигата. Во тековното првенство Монтреал се наоѓа на шестото место во Источната конференција со седум победи во 18 одиграни натпревари.
