Ракометарите на Вардар го имаа првиот собир со што тренерот Раул Гонзалес официјално ги започна подготовките за новата сезона.
На првата прозивка присутни биле сите ракометари, меѓу кои и петтмината кој во овој преоден рок ги засилија редовите на македонскиот шампиони: Манасков, Циндриќ, Марсениќ, Македа и Деревен.
Вардар до крајот на оваа недела ќе се подготвува во Скопје, а потоа тимот ќе замине во Словенија каде ќе продолжи со подготвките. Во подготвителниот период Вардар ќе настапи на два турнири, во Кањижа и во Скопје.
’Црвено-црните’ покрај во домашните натпреварувања и оваа сезона ќе играат во регионалната СЕХА лига, каде на стартот ќе играат против Зомимак и во Лигата на шампионите каде противници ќе им бидат Барселона, Рајн Некар Ловен, Кјелце, Колдинг, ПИК Сегед, Монпелје и Кристијанштад.