Последната контраверзна изјава од многуте на Жозе Мурињо се однесува на ривалите на Челзи во Премиерлигата во која Португалецот вели дека големите клубови се обидуваат да ја купат титулата со пари, односно правење големи трансфери.
Иронично, Жозе Мурињо изминативе години е најголемиот купувач на фудбалери, односно има потрошено многу повеќе од било кој тренер во топ клубовите во Европа. Во оваа статистика не се вклучени трансферите направени во 2015-та година.
Португалецот од 2004-та година до ланскиот летен преоден рок има потрошено вкупно 903 милиони евра на трансфери за време на неговото „владеење“ во Челзи, Интер и Реал Мадрид.
Тука најблиску до него е Карло Анчелоти, кој во Милан, Челзи, ПСЖ и Реал Мадрид има потрошено 881 милиони евра.
