Претседателот на Реал Мадрид, Флорентино Перез одобрил дефанзивецот Серхио Рамос да го напушти клубот, информира „Скај Спортс“. Се очекува шпанскиот репрезентативец да премине во Манчестер Јунајтед.
Според информациите, за да го стави Рамос во непријатна позиција пред навивачите на клубот шефот на „белите“ му понудил на Рамос нов договор со подобрени лични услови. На сличен начин ова лето Реал Мадрид се раздели и со Икер Касиљас.
Серхио Рамос игра за „кралскиот клуб“ веќе 10 години. Во 2005-та година мадриѓаните платија 25 милиони евра на Севиља за дефанзивецот.
Со Реал, тој ја освои Лигата на Шампионите, Суперкупот на Европа, Светското клупско првенство, титулата во Примера (3 пати), Кралскиот куп (2 пати) и Суперкупот на Шпанија (2 пати).
