Досегашниот фудбалер на Јувентус, Чилеанецот Артуро Видал, наскоро ќе го официјализира трансферот во минхенски Баерн, потврди извршниот директор на германскиот клуб, Карл-Хајнц Румениге.
„Можам да потврдам дека со двете страни – со играчот и со Јувентус, постигнавме договор. Останува уште само Видал да ги мине медицинските прегледи и да го потпише договорот“, рекол Румениге.
Видал во Баерн ќе ја пополни празнината која во тимот настана по заминувањето на Бастијан Швајнштајгер во Манчестер Јунајтед.
Видал (28) од 2011-та година играше за Јувентус, за „старата дама“ на 124 натпревари постигнал 35 голови.
