Младата кошаркарска репрезентација на Македонија, играчи до 20 години и понатаму ќе игра во европската Б дивизија, откако на првенството во Унгарија не успеа да стигне до полуфиналето.
Македонските кошаркари загубија и во вториот натпревар од четвртфиналната група, по поразот од домаќинот во средата, тие во четвртокот беа поразени од Шведска со 61:64.
Избраниците на селекторот Малинков одиграа добар меч, но падот на концентрацијата во самиот финиш ги одведе во пораз.
Младеновски ја предводеше Македонија со 19 поени и девет скока, Магдевски уфрли 13, а Мекиќ 12 поени.
