Фудбалерите на Работнички минимално загубија во првиот меч од второто квалификациско коло во Лига Европа од летонска Јелгава. ‘Романтичарите’ во Летонија се поразени со 1:0, а голот го примија во 87.минута.
Инаку Работнички во текот на целиот меч ја контролираше играта, создаваше шанси, но Илијоски, Алтипармаковски и Анене не искористија ниту една од шансите, што домаќинот го казни од својот единствен удар кон голот на Божиновски.
Во 87.минута Ош извде аут, пред голот на Работнички се створи мешаница во која најдобро се снајде Клушкинс кој го совлада Божиновски.
Реванш натпреварот ќе се одигра за една недела во Скопје.
