Доскорешниот кошаркар на Бостон Селтикс, Луиџи Датоме е нов играч на Фенербахче, потврди турскиот клуб на својата интернет страница. Датоме потпишал двегодишен догвор со можност истиот да биде продолжен за уште една сезона.
Антиќ доби соиграч од НБА, Датоме потпиша за Фенер
„Возбуден сум и со нетрпение очекувам да заиграм за својот нов клуб. Напред Фенер!“, напишал италијанскиот репрезентативец на својот профил на Facebook.
Во кариерата 27-годишниот кошаркар има настапувано за Монтепаски Сиена, Рома и Детроит Пистонс. Минатата сезона во дресот на Бостон Селтикс во просек по натпревар имал учинок од 5,2 поени, 1,4 скока.
Датоме е четврто засилување за Фенербахче во преодниот рок, а второ од НБА лигата, откако договор потпиша и македонскиот интернационалец Перо Антиќ. Покрај Датоме и Антиќ нови играчи на турскиот клуб станаа Боби Диксон од Каршијака и Костас Слукас од Олимпијакос.