Атлетико Мадрид, во пресрет на новата сезона, ги засили своите редови со Јаник Фереира Караско.
Караско се пресели на „Винсенте Калдерон“
Младиот белгиски репрезентативец со Атлетико потпишал петгодишен договор, а неговиот сега веќе поранешен тим Монако добил обештетување од 15 милиони евра и задржал 25 отсто од сопственоста врз фудбалерот.
Фереира-Караско е трето засилување за Атлетико ова лето откако претходно на „Винсенте Калдерон“ пристигнаа Џексон Мартинез од Порто и Лусијан Вијето од Виљареал.
Атлетико во летниот преоден рок го напуштија Миранда, Марио Манџукиќ и Арда Туран.