Најпопуларните српски клубови Црвена ѕвезда и Партизан со заеднички сили ја добија битката против националниот сојуз, откако Извршниот одбор на Фудбалскиот сојуз на Србија (ИО ФСС) го прифатил предлогот од наредната сезона по двајца играчи од просторите на поранешна Југославија да се третираат како домашни фудбалери.
„Прифатен е предлогот покрај четворица странски фудбалери во клубовите кои настапуваат во Суперлигата (кои можат да бидат во протоколот) да се дозволи и можност дополнително да има уште двајца фудбалери од просторите на поранешна Југославија кои нема да бидат третирани како странци“, стои во соопштението кое по состанокот го објави ИО на ФСС.
Оваа одлука значи дека Даниел Аврамовски за Црвана ѕвезда ќе може да настапува за Црвена ѕвезда, а истото важи и за фудбалерот на Партизан, Иван Бандаловски, кој има македонско и бугарско државјанство.
