Манчестер Јунајтед нуди 40 милиони фунти за англискиот репрезентативец Хари Кејн, пишува весникот „Сан“.
Претставници на „црвените ѓаволи“ веќе се поврзале со раководството на Тотенхем, каде игра 21-годишниот фудбалер.
Двете страни дискутирале за евентуалниот трансфер, но раководството на лондонскиот клуб ќе сака повеќе пари за својот фудбалер.
Кејн има 45 натпревари и 24 гола во дресот на Тотенхем, а притоа одигра голем број импресивни средби во изминатиот шампионат. Тој одигра 2 средби и постигна 1 гол за англиската репрезентација.
Хари Кејн е во Тотенхем од 2009-та година, по што играл како позајмен играч во Лејтон Ориент, Милвол, Норвич и Лестер.
