Работнички загуби во Талин, а Шкендија ремизираше со Абердин во првите мечеви од првото квалификациско коло во Лига Европа.
Работнички, против естонскиот преставник Флора, како гостин загуби со минимален резултат 1:0. Единствениот гол на мечот го постигна Гусев по еден час игра.
Шкендија, како домаќин на „Филип Втори“, иако беше подобар тим и создаде повеќе шанси одигра само 1:1 со шкотски Абердин.
Мекгин, десет минути по влегувањето во игра го совлада Јовановски за 0:1, а конечните 1:1 ги постави Кировски пет минути подоцна. Напаѓачот на Шкендија непосредно пред постигнувањето на голот влезе во игра.
Реванш натпреварите во кои Работнички ќе биде домаќин, а Шкендија ќе гостува во Шкотска ќе се одиграат за една недела.