Работнички и Шкендија, денеска ќе ги одиграат првите натпревари од воведното квалификациско коло во Лига Европа. Работнички гостува во Естонија, кај Флора Талин, додека Шкендија ќе го пречека шкотски Абердин.
Флора Талин и Работнички својот дуел ќе го започнат во 18 часот на стадионот Лилекула чии капацитет изнесува 9.600 места.
„Романтичарите“ се фаворити во двомечот со тимот кој е деветкратен шампион и шесткратен освојувач на Купот на Естонија.
Шкендија ќе има многу потешка задача против шкотскиот преставник Абердин. Првиот дуел ќе се одигра во Скопје, на Националната арена „Филип Втори“ и ќе започне во 21:05 часот. Тетовскиот тим во мечот со Абердин посакува победа без примен гол.
Инаку Абердин најдобриот период во 114-годишната историја го имал со славниот Алекс Фергусон (1978-1986). Во овој период Абердин го освои Купот на победниците на куповите и европскиот Суперкуп, а исто така освоил три од четирите шампионски титули во Премиерлигата на Шкотска.