Фудбалската федерација на Холандија го именува Дени Блинд за нов селектор, откако пред два дена Гус Хидинк ја напушти функцијата.
Хидинк си замина поради лошите резултати во квалификациите за пласман на Европското првенство. Холандија во Групата А на четири кола до крајот се наоѓа на третото место со пет бодови помалку од лидерот во групата Исланд и три бода помалку од второпласираната Чешка.
„Блинд е избран за нов селектор, функцијата ќе започне да ја обавува од 1.август“, стои во соопштението од Фудбалската федерација на Холандија.
Инаку Блинд беше еден од помошниците на селекторот кој си замина, Гус Хидинк.
Наредниот меч во квалификациите Холандија ќе го одигра во септември, кога во Амстердам ќе го пречека Исланд.
