Јане Атанасов (15) од Академијата Пандев од јануари наредната година ќе се пресели во Интер, потврди Горан Пандев во интервју за ТВ Вис.
„Ова е најголема сaтисфакција за нашата академија. Пред сé, сон среќен за детето бидејќи ќе оди во Италија, во Интер кој е голем бренд во европскиот фудбал. Во прв ред таму ќе има можност да напредува, ќе стекне поинакво мислење за фудбалот и секако дека ова ќе биде голем поттик за другите деца да тргнат по неговиот пат“, вели Пандев.
Правната процедура околу трансферот на Атанасов ќе биде завршена по 31-ви октомври кога тој ќе наполни 16 години, а член на Интер ќе стане од 1-ви јануари 2016 година.
