Портланд Трејблејзерси го испратија бекот од стартната петорка Николас Батум во Шарлот, а во замена за францускиот репрезентативец ги добија Џералд Хендерсон и Ноа Вонли, пишува „Yahoo Sports“.
Батум седум години го носеше дресот на Портланд, а во минатата сезона имаше просек од 9,4 поени, 5,9 скока и 4,8 асистенции по натпревар.
Со заминувањето на Батум, Портланд доби дополнителни три милиони долари во „селери капот“, а исто така во тимот пристигна талентираниот 19-годишен Вонли, кој на минатогодишниот драфт беше избран како деветти пик.
