Компанијата „Alfa Romeo“ ги објави цените на новиот модел „4С Spider“. Нарачки за овој модел веќе се прифаќаат, а според информациите со најниско ниво на опрема, возилото ќе чини 63.900 долари.
Кабриолетот ќе се нуди со комплет „Track Package“ со високи амортизери, преден и заден стабилизатор, специјална конструкција на страничните ретровизори, кои се изработени од јаглеродни влакна и тркачки гуми „Pirelli P Zero AR Racing“.
Во внатрешноста се поставени елементи од природна црна кожа, а инструмент панелот е од јаглеродни влакна. Освен тоа „4C Spider“ доби посебен волан, нов издувен систем од „Akrapovic“, неколку видови бандажи со големина од 17, 18 и 19 инчи. Моделот ќе се нуди во 7 различни бои – „Madreperla White Tri-coat“, „Giallo Prototipo“, „Rosso Competizione Tri-coat“, „Rosso Alfa“, „Basalt Gray Metallic“, „Black“ и „White“.
Под хаубата на возилото е поставен 1,75-литарски бензински мотор со турбина. Агрегатот со 4 цилиндри развива 237 КС и максимален вртежен момент од 350 Nm. Забрзувањето од 0 до 100 км/ч се реализира за 4,1 секунди, а максималната брзина е ограничена на 258 км/ч.
