Фудбалскиот клуб Парма наредната сезона ќе ја започне во најнискиот ранг на италијанскиот фудбал, Серија Д.
Тимот кој до неодамна играше во Серија А, не успеа да најде купувач и поради тоа е префрлен во најнискиот ранг.
Инаку, Парма во март објави стечај, а сезоната ја заврши на последното место, сепак единствената надеж на клубот дека во наредното првенство ќе игра во Серија Б беше да најде купувач.
Како единствен заинтересиран купувач се јавил поранешниот бејзбол играч Мајк Пјаца, но откако денеска и тој решил да се повлече, Италијанците објавија дека Парма ќе игра во Серија Д.