Јувентус донел одлука да го задржи дресот со легендарниот број 10, кој моментално му припаѓа на Карлос Тевез, за напаѓачот на Манчестер Сити, Стеван Јоветиќ.
Се очекува наскоро шампионот на Италија да се раздели со искусниот Аргентинец, кој е многу блиску до враќање во Бока Јуниорс. Поради оваа причина тие се обидуваат да најдат замена за него, но и за другиот напаѓач Фернандо Љоренте, кој исто така си заминува. Пауло Дибала веќе беше купен, а наскоро треба да се финализира трансферот и на Марио Манџукиќ од Атлетико Мадрид.
Црногорецот веќе изгледа како непотребен на „Етихад“, каде го привлекоа Вилфред Бони во јануари, кој дури и зазеде местото на Јоветиќ во составот во Лигата на Шампионите.
„Бјанконерите“ одамна се интересираат за 25-годишниот фудбалер, кои се подготвени да направат голем гест, ако трансферот се случи. Бројот 10 е со посебна вредност за Јуве, бидејќи пред Тевез беше носен од легенда како Алесандро Дел Пиеро.
