Кипарскиот шампион АПОЕЛ ќе му биде ривал на Вардар во второто квалификациско коло во Лигата на шампионите. Натпреварите ќе се играат на 14/15 јули (првиот меч) и на 21/22 јули (реваншот).
АПОЕЛ е најтрофејниот кипарски клуб има освоено 24 титули во првенството и 21 титула во Купот на оваа земја. На интернационален план најголемиот успех на АПОЕЛ е пласман во четвртфиналето во Лигата на шампионите во сезоната 2011/2012 кога најдобар играч на клубот беше поранешниот македонски репрезентативец Иван Тричковски.
Покрај Тричковски, во минатото дресот на АПОЕЛ го носеле уште четворица Македонци: Милан Стојановски, Јане Николовски, Горан Лазаревски и Бобан Грнчаров.
Инаку од првата група на жрепката во Нион, покрај двојката АПОЕЛ – Вардар беа извлечени уште четири двојки:
Хибернијанс (Малта) – Макаби Тел Авив (Израел)
Карабах (Азербејџан) – Рудар (Црна Гора)
Сараево (БиХ) – Лех Познан (Полска)
Марибор (Словенија) – Астана (Казахстан).