Јувентус веќе го договорил привлекувањето на напаѓачот на Атлетико Мадрид, Марио Манџукиќ.
Неколку медиуми во Италија, меѓу кои „Скај Спортс“, „Газета дело Спорт“ и „Ла Стампа“ објавија дека трансферот на Хрватот во насока Торино веќе е решен и тој ќе биде купен за 15 милиони евра, а цената може да се зголеми до 18 милиони со различни бонуси во зависност од претставувањето на играчот.
Според информациите, Манџукиќ ќе потпише договор за наредните 3 години и ќе добива плата во износ од 3,5 милиони евра по сезона.
Се очекува денеска генералниот директор на „бјанконерите“, Бепе Марота да лета до Мадрид за да го финализира договорот, а тогаш веста за трансферот на 29-годишниот играч ќе биде прогласен за официјален.
