Украина се откажа од организацијата на Европското првенство во кошарка во 2017-та година.
Причината за тоа е недостаток на средства и политичката ситуација во земјата. Ова го објави денес министерот за млади и спорт, Игор Жданов, цитиран од украинските медиуми.
Во 2011-та година, Украина доби право да биде домаќин на овогодинешното Европско првенство. Поради проблемите во земјата, сепак европската федерација ФИБА Европа (FIBA Europe) одлучи да го премести во Хрватска, Франција, Германија и Латвија.
Поради добрата работа на локалната кошаркарска федерација и силното претставување на украинските играчи на Еуробаскет 2013, ФИБА Европа сепак и даде на Украина можноста да го организира следниот континентален шампионат.
Министерот сепак објасни дека во оваа фаза земјата ги нема потребните можности за вистинска организација.