Раководството на Ливерпул ги одби предложените 35,5 милиони фунти од Манчестер Сити за ѕвездата на тимот, Рахим Стерлинг.
Тоа беше вториот предлог кој „граѓаните“ го испратија во канцелариите на Ливерпул за 20-годишниот англиски репрезентативец. Вкупната сума всушност може да достигне 40 милиони англиски фунти, бидејќи постојат утврдени 4,5 милиони во форма на бонуси.
Сепак, „црвените“ веднаш го испратиле своето одбивање на понудата, за која се претпоставуваше дека е финалната од страна на Сити. Весникот „Гардијан“ тврди дека на „Етихад“ веќе го подготвуваат третиот предлог.
Стерлинг реално сам се стави на трансфер листата, откако го отфрли предлогот за нов договор со Ливерпул за 100.000 фунти неделна плата.
