Заре Марковски ќе го наследи Илија Мерџановски на функцијата спортски директор во Македонската кошаркарска федерација (МКФ).
Марковски официјално ќе биде назначен на функцијата на седницата на Управниот одбор на МКФ која ќе се одржи денеска.
„По 24 години, со исклучок на двегодишниот ангажман кога беше селектор на нашата најдобра машка репрезентација, којашто првпат во историјата ја преставуваше Македонија на едно Европско првенство во 1999 година во Франција и долга низа престижни европски ангажмани, Заре Марковски повторно го става на располагање на матичната федерација огромното искуство и се очекува веќе денеска да биде во Скопје“, се вели во соопштението кое е објавено на официјалната интернет страница на МКФ.
