Голден Стејт Вориорс се на чекор до освојување на шампионската титула во НБА лигата, откако во финалната серија со Кливленд поведоа со 3-2. Петтиот меч во серијата одигран во Оукленд заврши со победа на Голден Стејт од 104:91.
Стеф Кари го предводеше тимот до победата со 37 поени (7 тројки), тој беше иницијатор на серијата 19:5 во финишот на мечот. Кари во таа серија постигна 11 поени, а имаше уште седум скока и 4 асистенции.
Покрај Кари, Голден Стјет го предводеа уште Дрејмонд Грин (16 поени, 9 скока), Андре Игудала (14 поени, 8 скока, 7 асистенции) и Леандро Барбоса (13 поени).
На спротивната страна Леброн Џејмс запиша нов ‘трипл дабл’ (40 поени, 14 скокови, 11 асистенции), а Тринстан Томпсон со 19 поени и 10 скокови.
„Верувам во нас, бидејќи јас сум најдобриот играч во светот“, рекол Џејмс.
Наредниот меч ќе се одигра во вторник во Кливленд, откако НБА го смени форматот на финалните мечеви (наместо 2-3-2 се игра 2-2-1-1-1). Тимот кој победувал во петтиот меч ја освојувал титулата 12 пати од 14 обиди.
