Американскиот боксер Флојд Мејведер ја предводи листата на најплатени спортисти во светот објави Forbes.
Мејведер се наоѓа на врвот на листата со заработени 300 милиони долари, додека неговиот противник од ‘борбата на векот’, Мани Пакјао е втор, Филипинецот заработил 160 милиони долари.
Третата и четвртата позиција е резервирана за најдобрите светски фудбалери Кристијано Роналдо (79,6) и Лео Меси (73,8), додека на петтото место е тенисерот Роџер Федерер (67 милиони долари).
Меѓу најплатените десет спортисти уште се и кошаркарот на Кливленд, Леброн Џејмс (64,8), неговиот колега од Оклахома Кевин Дурент (54,1), потоа голферите Фил Микелсон (50,8) и Тајгер Вудс (50,6) и кошаркарот на ЛА Лејкерс Коби Брајант (49,5).
