Сами Кедира е новото засилување на Јувентус, откако постигна договор со раководството на тимот и потпиша договор за четири години.
Германскиот фудбалер пристигна во Торино како слободен агент, откако истече неговиот петгодишен договор со Реал Мадрид.
Кедира не успеа да се наметне на „Сантијаго Бернабеу“, а во последната сезона учествуваше во само 17 дуели на „белите“.
Сепак Германецот успеа да освои три трофеи во рамките на својот петгодишен престој во Мадрид – титулата на Шпанија, Купот на Кралот и Лигата на Шампионите.
Кедира, кој во принцип игра пред одбраната како дефанзивен играч за врска, може да покрие голем простор на теренот, а истовремено поседува одличен пас, добро шутира и има одличен поглед на играта.
Масимилиано Алегри е среќен што додаде во составот класа играч со меѓународно искуство, кој ќе го засили еден од најсилните средни редови во светот“, напишаа од Јувентус на својата официјална страна.